Textextrakt mit albanews.py

                                                                           

Qendra për Informim e Kosovës
Informatori ditor nr.2763A
Prishtinë, 29 tetor 2000

Rezultatet preliminare të votimeve nëpër komuna

LDK-ja ka fituar në shumicën dërrmuese të komunave

Prishtinë, 29 tetor (QIK) - Shtabi qendror zgjedhor i LDK-së në bazë të
raporteve nga komunat e Kosovës ka njoftuar rezultatet preliminare të
procesit zgjedhor.
Njoftimet bëjnë të ditur se LDK-ja ka fituar në shumicën dërmuese të
komunave me shumicën prej 50 deri më 80 për qind.
Më poshtë po japim pasqyrën e këtyre rezultateve nëpër komuna.
Në komunën e Kamenicës për LDK-në kanë votuar 71 për qind, kurse në Gjakovë
mbi 65 për qind. Mungojnë rezultatet nga tri vendovitime, por priten
rezultate pozitive për LDK-në.
Nga Gjilani shtabi zgjedhor për këtë komunë njofton për rezultatin
përfundimtar, ku LDK-ja ka fituar 63 për qind të votave.
LDK-ja në Pejë ka shënuar një rezultat të thellë perj 70 për qind, kurse në
Ferizaj prej 65,52 për qind, por mungojnë rezultatet nga 4-5 vendvotime.
Në komunën e Prizrenit LDK-ja ka shënuar një fitore mbi 60 për qind,
ndërkohë që mungojnë rezultatet nga dy vendvotime.
Ndërkaq në Suharekë LDK-ja poashtu ka korrë një fitore të thellë prej 72 për
qind, ose për kandidatët e LDK-së kanë votuar gjithsej 14.781 votues.  Po
ashtu edhe në Mitrovicë LDK-ja fituar me 66 për qind, ndërsa në Podujevë 67
për qind.
Në Lipjan LDK ka fituar mbi 62 për qind të voitave, por mungojnë rezultatet
nga dy vendvotime për rreth 4000 votues.
Në Vushtri LDK-ja ka fituar 65 për qind të votave. Në Obiliq  LDK-ja ka
fituar 60 për qind, kurse PDK-ja, 21 dhe AAK-ja 17 për qind. Në Deçan për
LDK-në kanë votuar 65 për qind.
Rezultatin më ëtë thellë LDK-ja e ka shënuar në Istog 80 për qind. Një
rezultat të papritur e ka arritur LDK-ja edhe në Malishevë me 56 për qind,
ndërkohë që nuk dihen rezultatet nga pesë vendvotime.
Në Rahovec LDK-ja fituar 60, kurse në Viti po ashtu 6O për qind të votave.
Në Klinë LDK-ja ka fituar me 65 për qind.
Tash për tash ende nuk dihen rezultatet për Gllogoc, Skënderaj, Leposaviq,
Çabër, Shtime, Shtërpcë, Kaçanik, Dragash, Novobërdë.
Por sipas disa njoftimeve PDK-ja ka fituar në Gllogoc, Skënderaj, Klinë,
Shtërpcë.


Dr.Ibrahim Rugova mban një konferencë për gazetarë në orën 14.3O

Prishtinë, 29 tetor (QIK) - Kryetari i Lidhjes Demokratike të Kosovës,
dr.Ibrahim Rugova do të mbajë një konferencë për gazetarë pas përfundimit të
suksesshëm të zgjedhjeve lokale  2OOO në Kosovë.
Konferenca do të mbahet në orën 14.3O, në Rezidencën e kryetarit Rugova në
Velani.

PDK-ja thotë se ka fituar në tri komuna

Prishtinë, 29 tetor (QIK) - Partitë e tjera poltike që morën në zgjedhjet
lopkale ende nuk i kanë shpallur reultatet e tyre. Tash për tash vetëm PDK
ka shpallur vetëm disa rezultate. Kështu PDK-ja thotë se ka fituar në
komunën e Kaçanikut me 60 për qind, në  Skënderaj me 80 për qind, në Gllogoc
me rreth 90 për qind.
Ndërkaq në AAK thonë se kjo parti në Gjakovë ka fituar 23 për qind, në Pejë
30 për qind, në Podujevë 30 për qind.



Adresa jonë në Internet është:
http://www.kosova.com
[26]
dhe www.qik-kic.com
Kontakti me ne: qik_kic@hotmail.com

_________________________________________________________________________
Get Your Private, Free E-mail from MSN Hotmail at
http://www.hotmail.com
[27]
.

Share information about yourself, create your own public profile at
http://profiles.msn.com
[28]
.