tokenize.py angewendet

Absatzraten eingeschalten, Schwelle = 15%

Bindstrich nach Großbuchstaben und Apostroph nach m, M, s, S, t und T nicht als eingenes Token ausgegeben.

     
Qendra për Informim e Kosovës
Informatori ditor nr . 2832
Prishtinë , 22 janar 2001
Kryetari Rugova priti zyrtarë të Shërbimit Policor të Kosovës
Prishtinë , 22 janar ( QIK ) - Kryetari i LDK-së dr . Ibrahim Rugova priti sot një delegacion të Shërbimit Policor të Kosovës , në të cilin ishin zyrtarë të lartë të këtij shërbimi , Sheremet Ahmeti , Nuredin Ibishi , Xhemail Ademi , Destan Thaçi , Reshat Maliqi dhe Enver Oruçi .
Në këtë takim u bisedua për punën dhe aktivitetin e Shërbimit Policor të Kosovës në kryerjen e punëve të përditshme si dhe për kompletimin dhe konsolidimin e këtij shërbimi me kuadro dhe punëtorë të Kosovës . Në takim u theksua rëndësia që ka shërbimi policor i Kosovës në ruajtjen e rendit dhe të qetësisë publike dhe në parandalimin e krimit të organizuar . Me këtë rast u theksua edhe roli dhe ndihma e policisë ndërkombëtare në krijimin dhe konsolidimin e radhëve të policisë në Kosovë .
Kryetari Rugova çmoi lart punën e këtij shërbimi në stabilizimin e gjendjes së sigurisë në Kosovë dhe kontributin që po japin policët ndërkombëtarë në këtë drejtim . Ai tha se Kosova po e krijon një polici moderne e cila do të jetë në shërbim të të gjithë qytetarëve të Kosovës .
Në Bruksel takohen ministrat e jashtëm të Bashkimit Evropian
Prishtinë , 22 janar ( QIK ) - Në Bruksel sot filloi takimi i rregullt i ministrave të punëve të jashtme të Bashkimit Evropian , të cilët po debatojnë për rolin e BE-së në parandalimin e krizave dhe konflikteve . Kjo temë është vënë në rend dite të BE-së nga Suedia , kryesuese e radhës në BE . Ani Lint , ministre e punëve të jashtme suedeze , fillmisht shprehu keqardhje për shkak se Evropa nuk ishte në gjendje të ndalonte luftërat që shpërthyen në ish - Jugosllavi gjatë dhjetë vjetëve të fundit . Ajo theksoi se ky konflikt ka shkaktuar dëme të pakompensueshme për popullsitë ballkanike , por gjithashtu ka detyruar vendet evropiane të shpenzojnë 10 miliardë euro për të riparuar dëmet e shkaktuara , vetëm e vetëm se Evropa nuk u tregua e aftë të parandalonte me kohë shpërthimin e konflikteve .
Shumica e ministrave të jashtëm të vendeve të BE-së vunë theksin në gjetjen e burimeve dhe të shkaqeve që shkaktuan konflikte dhe krijimin e organizmave të pasaçëm të cilët do të vehen në gatishmëri të menjehershme , posa në ndonjë rajon të vërehen simptomat e para të burimit të konflktit . Minsitri i jashtëm franez Yber Vedrin , veçoi si tipike të këtyre dhjetëve vjetëve të fundit një dobësim të rolit të shtetit në vendet në zhvillim , të cilat sollën si pasopjë shpërthimin e konflikteve të natyrave të ndryshme . Ministri finlandez u shpreh se dërgimi i armëve në drejtim të shteteve në konflikt me njëri tjetrin nuk ndihmon në parandalimin e konfliktit . Ndërkaq ministri gjerman Joshka Fisher dhe ai italian Lanberto Dini e konsiderojnë Paktin e Stabilitetit si shembull të rëndësishëm për forcimin e paqes në Evropën Juglindre . Robin Kuk theksoi se në këtë rajon kërcënim të ri paraqet forcimi i krimit të organizuar dhe trafiqet e ndryshme .
Të 15 ministrat në këtë takim si dhe përfaqësuesi i politikës së jashtë të BE-së Havier Solana dhe komesioneri i lartë për marrëdhënie me jashtë Kris Paten shprehën mendime të njëjta .
Sot pasdite ministrat e BE-së diskutojnë për sitaatën në Ballkan , në në Serbi , në luginën e Preshevës , për marrëdhëniet e Serbisë e Malit të Zi etj . Para ministrave sot duhet të raportojë edhe koordinatori i Paktit të Stabilitetit i Evropës Juglindore Bodo Hombah .
Havier Solana të enjtën vziton Kosovën
Prishtinë , 22 janar ( QIK ) - Të enjtën arrin në Kosovë Havier Solana , përfaqësues i lartë i Bashkimit Evropian për politikë të jashtme dhe i sigurisë , bëri të ditur sot Suzan Manuel , zëdhënëse e UNMIK-ut . Gjatë qëndrimit në Kosovë zoti Solana pritet të takohet me kryeadministratorin e Kosovës , Hans Hekerup dhe me udhëheqës të BE-së në Kosovës , të shtyllës së katërt të UNMIK-ut .
Poashtu zoti Solana do të takohet edhe me kryetarin e LDK-së dr . Ibrahim Rugova .
Karl Bilt : Mungesa e një marrëveshjeje paqësore për Kosovën paraqet një potencial të vazhdueshëm destabiliteti në rajon
Prishtinë , 22 janar ( QIK ) - Mungesa e një marrëveshjeje paqësore për Kosovën paraqet një potencial të vazhdueshëm për jostabilitetin në rajon . Në vend të kësaj marrëveshjeje Kosova aktualisht ka vetëm Rezolutën 1244 të OKB-së . Kjo rezolutë është ligj i kësaj toke , ligj i kohës por nuk është marrëveshje paqësore , theksoi gjatë vizitës në Kosovë , Karl Bilt emisar special i OKB-së për Ballkanin . Ai rikujtoi se lufta në Bosnjë përfundoi me marrëveshjen e paqes së Dejtonit çka duhet të realizohet edhe në rastin e Kosovës . Kjo marrëveshje duhet të përmbushë kërkesat minimale të secilës palë , por asnjë kërkesë maksimale të tyre , ka thënë Karl Bilt .
Ai po ashtu tha se kishte ardhur koha që Administrata e përkohshm e OKB-së në Kosovë të zëvendësohej nga struktura të përhershme politike . Por , ai pranoi se ndërsa Beogradi ishte i përqëndruar në çështje të tjera do të duhej kohë të arrihej marrëveshja mes autoriteteve jugosllave dhe udhëheqësve shqiptarë të Kosovës .
Karl Bilt tha dje në një konferencë për gazetarë në Prishtinë se është i kënaqur me arritjet në Kosovë , por siç tha , është i shqetësuar me ritmin e ngadalshëm të marrjes së përgjegjësive nga pushtetarët e zgjedhur në zgjedhjet vendore . Ai nënvizoi se autorietet e zgjedhura lokale duhet të marrinë përgjegjësinë e pushtetit vendor , ngase siç është shprehur ai , është humbur shumë kohë në përzgjedhjen e kandidatëve .
Duke folur për zgjidhjen e krizës në luginën e Preshevës , Karl Bilt theksoi se në këtë rajon ka pasur dhunë , vrasje dhe mosbesim midis komuniteteve gjë që e ka tensionuar situatën . Mirëpo ai mendon se masat e ndërmarra kanë ndikuar deri diku në stabilizimin e situatës . Në këtë kuadër një punë të mirë e kanë bërë edhe trupat paqësore ndërkombëtare të Kosovës dhe ndërkohë ka ndryshuar qasja e autoriteteve të Beogradit dhe po ngritet vetëdija që problemi të zgjidhet me mjete politike . Sidoqoftë në Luginën e Preshevës situata është ende e komplikuar dhe më një çast mund të shkojë në drejtim të gabuar .
Ndër të arriturat tjera në rajon Karl Bilt numroi edhe vendimin për normalizimin e marrëdhënieve diplomatike ndërmjet Tiranës dhe Beogradit . Sipas z . Bilt rrethanat në rajonin e Ballkanit nuk mund të qetësohen plotësisht pa filluar dialogu i mirëfilltë ndërmjet të gjitha shteteve të rajonit .
Ministri gjerman i Mbrojtjes Sharping dhe kolegu i tij bullgar Nojev kanë konstatuar se nuk ka rrezik nga uraniumi i varfëruar
Prishtinë , 22 janar ( QIK ) - Gjatë qëndrimit të djeshëm në Kosovë ministri gjerman i Mbrojtjes , Rudolf Sharping , ka vizituar Brigadën Shumkombëshe të Jugut , e cila drejtohet nga trupat gjermane të KFOR-it . Kjo është vizita e shtatë e z . Sharping në Kosovë , ndërkaq kjo e fundit vlerësohet të jetë e motivuar edhe nga i ashtuquajturi " sindrom i Ballkanit " .
" Problemi i uraniumit nuk është shkak i vizitës sime në Prizren , por kjo vizitë është planifikuar më herët " , është shprehur ministri gjerman i Mbrojtjes Sharping në një konferencë për gazetarë gjatë vizitës së tij që i bëri komandës së BSH të Jugut në Prizren . Ai së bashku me kolegun e tij bullgar Ivan Nojev ka vizituar trupat ushtarake që veprojnë në këtë rajon dhe ka dëgjuar më pas shpjegimet e dy ekspertëve për çështjet e
radioaktivitetit të cilët para dy ministrave kanë demonstruar shembujt se në këtë rajon nuk ka rrezik nga uraniumi i varfëruar . Ndërkaq në një konferencë me gazetarë , këta dy ministra të mbrojtjes kanë mohuar spekulimet për rrezikimin e ushtarëve që veprojnë në këtë rajon . Konstatimi i tyre i përbashkët ishte se shkalla e kontaminimit nuk është një stad të tillë që do të vënte në pikëpyetje jetën e ushtarëve që veprojnë kët , është shprehur ministri gjerman i Mbrojtjes .
Sharping bëri inaugurimin e shkollës së re në Denjë të Rahovecit e ngritur nga gjermani Rudolf Valter
Prishtinë , 22 janar ( QIK ) - Gjatë vizitës në Kosovë ministri gjerman i Mbrojtjes ka përuruar edhe shkollën fillore në fshatin Denjë të Rahovecit , ndërtimi i së cilës ka kushtuar rreth 800 . 000 DM dhe për për këtë vatër të arsimit fillor investimet i ka bërë gjermani Rudolf Valter , e cila prej dje mban emrin e tij .
Duke folur me këtë rast , Rudolf Sharping veç tjerash tha se inaugurimi i kësaj shkolle dëshmon se ka edhe progres dhe paqe në Kosovë . " Nëse dëshironi që fëmijët tuaj të rriten në paqe atëherë duhet të keni kujdes sepse në rrethin tuaj duhet të mbretërojë paqeja dhe siguria . Duhet të jeni të bindur se si Gjermania ashtu edhe shtetet tjera ndërkombëtare kanë për ta përkrahur një Kosovë demokratike dhe të sigurtë " , tha Sharping .
Gjatë qëndrimit të tij në Kosovë , Sharping u takua me komandantin e KFOR-it , gjeneralin Karlo Kabixhiozu .
Shon Saliven mbrëmë në Preshevë ka biseduar me udhëheqësit e dy partive politike shqiptare
Prishtinë , 22 janar ( QIK ) - Këshilltari politik i komandantit të KFOR-it Shon Saliven , mbrëmë ka qëndruar në Preshevë ku ka biseduar me udhëheqësit e dy partive politike shqiptare , të PVD-së dhe PBDSH .
Njoftohet se në këtë takim është biseduar për gjendjen e sigurisë në rajon , sidomos në rajonin e Karadakut të Preshevës , pas disa incidenteve që kanë ndodhur ditëve të fundit .
Një gjykatë e Nishit dënoi me katër vjet burg Riza Ahmetajn nga Istogu
Prishtinë , 22 janar ( QIK ) - Vazhdojnë dënimet e shqiptarëve nga Kosova në Serbi . Kështu , Gjykata e Nishit dënoi dje me katër vjet burg me akuzën e pjesëmarrjes në " grupet terroriste " Riza Ahmetajn nga Istogu .
Në Gjykatën e qarkut në Prizren ka filluar gjyqi kundër një serbi të akuzuar për krime lufte
Prishtinë , 22 janar ( QIK ) - Sot në Gjykatën e qarkut në Prizren ka filluar procesi gjyqësor kundër serbit Sava Matiq , i akuzuar për krime lufte . Ai akuzohet se gjatë luftës ka marrë pjesë në masakrat kundër popullsisë shqiptare në komunën e Rahovecit .
Filip Vujanoviq ka përsëritur qëndrimin se Mali i Zi do të shkojë drejt pavarësisë nëse bisedimet me Serbinë nuk do të kenë sukses
Prishtinë , 22 janar ( QIK ) - Në parlamenti e Malit të Zi sot do të vazhdojnë bisedimet mes kryeparlamentarit Svetozar Maroviq dhe përfaqësuesve të partive parlamentare për caktimin e datës së mbajtjes së zgjedhjeve të parakohshme dhe referendumit për pavarësinë e Malit të Zi . Ndërkaq , kryeministri malazez Filip Vujanoviq ka përsëritur qëndrimin se Mali i Zi do të shkojë drejt pavarësisë po qe se bisedimet me Serbinë nuk do të kenë sukses .
N . Kilibarda : Koshtunica me konceptin e tij unitarist për Malin e Zi është shumë më i rrezikshëm se Millosheviqi
Prishtinë , 22 janar ( QIK ) - Shefi i Misionit të Malit të Zi në Sarajevë Novak Kilibarda , ndryshe ish - kryetar i Partisë Popullore dhe nënkryetar i qeverisë i Malit të Zi ka vlerësuar se Vojisllav Koshtunica për Malin e Zi është shumë më i rrezikshëm se Sllobodan Millosheviqi , veçmas që konceptin e tij unitarist synon ta plotësojë me interesat e bashkësisë ndërkombëtare për problemin e Kosovës . Sipas Kilibardës , presidenti i tanishëm jugosllav Republikën e Malit të Zi nuk dëshiron ta shohë ndryshe , por vetëm si pjesë e korpusit etnik të Serbisë dhe në këtë drejtim tenton të sigurojë përkrahjen e faktorit ndërkombëtar për platformën e tij unitariste , citohet të ketë thënë Novak Kilibarda .
Koshtunica thotë se në rast të shkëputjes së Malit të Zi nga " Jugosllavia " do të tërhiqet nga jeta politike
Prishtinë , 22 janar ( QIK ) - Presidenti jugosllav Vojisllav Koshtunica tërhoqi vërejtjen se në rast të shkëputjes së Malit të Zi nga " Jugosllavia " do të tërhiqet nga jeta politike . Në një intervistë dhënë të përjavshmes NIN ka theksuar se në rast të shpërbërjes së Jugosllavisë nuk do të kandidohet për kryetar të Serbisë .
Koshtunica këtë qëndrim e arsyetoi me faktin se me rastin e marrjes se kësaj detyre është përcaktuar për ruajtjen shtetit të përbashkët , siç tha , me të gjitha mjetet demokratike e juridike , transmeton agjencia AFP .
Kryesia e Degës së LDK-së në Zvicër mbështet proceset e demokratizimit në Kosovë
Bernë , 22 janar ( QIK ) - Kryesia e Degës së LDK-së për Zvicër , nën drejtimin e z . Hysen Gërvalla , kryetar , mbajti mbledhjen e parë të këtij viti në të cilën u raportua dhe analizua puna e kryesisë gjatë vitit të shkuar dhe u përcaktuan programi dhe detyrat për këtë vit .
Ndër veprimtaritë parësore në të cilat Kryesia e degës dhe gjithë struktura organizative e LDK-së në Zvicër , siç u vendos në këtë takim , do të jenë përkrahja edhe më e madhe që duhet dhënë proceseve të demokratizimit në Kosovë , konsolidimit të institucioneve të dala nga zgjedhjet e fundit dhe përgatitjeve për zgjedhjet e përgjithshme . Për këtë qëllim , Kryesia e degës , përcaktoi edhe programin konkret sipas të cilit , deri në fillim të marsit , do të mbajë takime pune me secilën
nëndegë .
Në këtë takim u bë edhe plotësimi i komisioneve në kuadër të Kryesisë së degës së LDK-së për Zvicër .
Stokholm : Urani i varfëruar nuk shkakton sëmundje kancerogjene
Stokholm , 22 janar - Asnjë ekzaminim shkencor deri tash nuk konfirmon se urani i varfëruar nga bombardimet e NATO-s ka shkaktuar sëmundje
kancerogjene , janë të një mendimi një grup ekspertësh suedezë të fushës së efekteve mjekësore që shkaktohen nga rrezatimi . Ky ishte konkludimi i grupit të ekspertëve shkencorë të mjekësisë i komunikuar në një konferencë për shtyp që u mbajt në selinë e Forcave të Mbrojtjes të Suedisë .
Përkundër kësaj planifikohet realizimi i një ankete me pyetje nga lëmi i shëndetsisë për 12000 suedezët të cilët kanë shërbyer në Ballkan dhe në luftë në Irak .
Gjithashtu do të bëhet analiza e mostrave të urinës të të gjithë ushtarëve suedezë të cilët gjenden në Kosovë .
Policia ka arrestuar kryetarin e Partisë Demokratike për Tropojën
Prishtinë , 22 janar ( QIK ) - Policia shqiptare ka arrestuar gjatë natës së shtunë kryetarin e Partisë Demokratike për Tropojën Azgan Haklajn , i cili është njëkohësisht edhe anëtar i Këshillit Kombëtar i Partisë Demokratike dhe kryetar i zgjedhur bashkiak të qytetit Bajram Curri . Burimet policore bëjnë të ditur se arrestimi i tij është bërë në zbatim të urdhërit të prokurorisë së përgjithshme shqiptare e cila e akuzon atë si organizator të ngjarjeve të 28 nëntorit të vitit të kaluar .
Partia Demokratike proteston ashpër për këtë arrestim dhe e vlerëson atë si një akt tjetër të pushtetit socialist kundër veprimtarëve të pafajshëm të kësaj partie .
Gjenerali rus Nikollaj Staskov konstaton nuk ka raste të leukemisë mes ushtarëve rusë në Kosovë
Prishtinë , 22 janar ( QIK ) - Nuk ka raste të leukemisë mes parashutistëve rusë në Kosovë , citohet të ketë thënë gjenerali Nikollaj Staskov . Që prej fillimit të janarit trupat tona në Kosovë i janë nënshtruar ekzaminimit të kujdesshëm mjekësor , ka thënë ky gjeneral rus . Ai ka shtuar se kontrolli ka nisur pas zërave për rrezikun e kufizuar të armatimeve me uranium të varfëruar mbi shëndetin .
Gjatë konfrontimeve ndërmjet pjesëtarëve të UÇPBM-së dhe forcave serbe këto ditë janë vrarë 4 policë serbë
Prishtinë , 22 janar ( QIK ) - Burimet serbe të informimit bëjnë të ditur për disa incidente në rajonin e Luginës së Preshevës të cilat siç spekulohet i kanë provokuar kryengritësit shqiptarë .
Mirëpo pala shqiptare konstaton se përgjegjësia për incidentet e fundit në Luginën e Preshëve bie mbi forcat serbe .
Zëdhënësi i Këshillit Politikë për Preshevë , Bujanoc dhe Medvegjë , Shaqir Shaqiri thotë se ditëve të fundit ka pasur edhe konflikte të armatosura ndërmjet forcave serbe dhe kryengritësve shqiptarë . Gjatë këtyre
konfrontimeve policia serbe ka humbur diku rreth 4 policë .
Në një sulm në fshatin Tearcë afër Tetovës një polic është vrarë dhe dy janë plagosur
Prishtinë , 22 janar ( QIK ) - Në një sulm kundër stacionit policor në fshatin Tearcë afër Tetovës një polic është vrarë kurse dy të tjerë janë plagosur rëndë . Njoftimet nga Shkupi bëjnë të ditur se në sulmin e mbrëmshëm që ndodhi rreth orës 1 , 3O pas mesnatës janë shkrepur dy predha nga mortaja dhe të shtëna nga armët automatike . Sipas policisë maqedonase një polic i vrarë dhe një i plagosur janë të kombësisë maqedinase , kurse një polic tjetër i kombësisë shqiptare .
Sot në vendin e ngjarjes ka qëndruar edhe Dosta Dimovska , ministre maqedoanse e punëve të brendshme . As ajo as Ministria që drejton ajo nuk kanë dhënë ndonjë deklaratë për këtë ngjarje .
Patrullat e KFOR-it konfiskojnë edhe pushkët e gjahut pa leje
Prishtinë , 22 janar ( QIK ) - Dje pasdite , patrulla e BSH të Veriut të KFOR-it francez ndali dy persona në veri të Planës , të cilët bartnin në sup pushkët e gjuetisë . Patrulla ua konfiskoi pushkët e gjahut , ngase s' kishin leje për armëmbajtje , kurse më vonë ata ia dorëzoi policisë së UNMIK-ut , njoftohet në raportin e sotëm ditor të KFOR-it .
Ndërkaq , nga rajoni i BSH të Qendrës bëhet e ditur se patrulla e njësitit të KFOR-it Task Force Pegasus ka ndërmarrë mbrëmë në Fshatin e Ri një operacion kërkimi të armëve dhe gjatë bastisjes së shtëpive , patrulla e kësaj brigade ka zbuluar dhe ka konfiskuar tri revole , gjashtë karikatorë , 76 rrathë municioni dhe dy granata dore . Ekspertët e çminimit të KFOR-it dolën në vendngjarje për të zhvendosur granatat , kurse policia e UNMIK-ut paraburgosi dy shqiptarë në lidhje me armatimin e zbuluar .
Po kështu , sot në mëngjes heret , patrulla e batalionit të policisë ushtarake të KFOR-it ka ndalur dhe ka kontrolluar në pikën e kontrollit në fshatin Soponicë një automjet , me ç ' rast , patrulla ka gjetur dhe ka konfiskuar një revole , një karikator dhe gjashtë rrathë municion .
Nga rajonet e BSH-ve të Qendrës dhe të Jugut s' ka pasur informacione me rëndësi për t' u shënuar në këtë raport të sotëm të KFOR-it .
Bastiset në fshatin Zhegër një shtëpi e një serbi për armë
Prishtinë , 22 janar ( QIK ) - Siç bëjnë të ditur burimet e KFOR-it në një njoftim të sotëm dje heret në mëngjes patrulla e njësitit të specializuar shumëkombësh të KFOR-it ka ndërmarrë një operacion kontrolli për armë në rajonin e BSH të Lindjes , me ç ' rast ka bastisur një shtëpi të një serbi në fshatin Zhegër , ku ka zbuluar një revole dhe 269 rrathë municioni . Për këtë arsye , patrulla e ka parburgosur një serb dhe ia ka dorëzuar policisë së UNMIK-ut .
- - - - - - - - - - - - - - E41EF688E13C2AD5850AE7EC- -